MAE Cwmni Theatr Bara Caws, mewn cydweithrediad â Cwmni Tebot, ar fîn gyflwyno Costa Byw - rifíw hwyliog sy’n cyfuno’r dwys a’r digri ac yn dychmygu sut le fydd Gwynedd mewn blynyddoedd i ddod.
Drwy lygaid cymeriadau niferus, cewch weld canlyniadau ein difaterwch presennol wrth iddynt geisio gwneud synnwyr o’u byd blêr nhw, a darganfod beth a’u harweiniodd nhw i fyw mewn byd o’r fath.
Cewch ambell gip ar broblemau cyfoes - mewnfudo, diffyg swyddi, cost tai, gwleidyddion, newid hinsawdd, crîm egs yn mynd yn llai bob gafael, hyn oll a mwy.
Dyma sioe berthnasol i bob cymuned yn yr oes ohoni gan dri dramodydd ifanc, lleol – Mari Elen, Mared Llywelyn a Llyr Titus.
Yr actorion yw Iwan Charles a Llyr Edwards, a’r cyfarwyddwr yw Betsan Llwyd
Mae Costa Byw ar daith rhwng Mawrth 26 ac Ebrill 13, yn cynnwys perfformiadau yn Llansannan, Cynwyd a Dinbych.
Ewch i wefan Theatr Bara Caws am rhagor o fanylion.
Comments: Our rules
We want our comments to be a lively and valuable part of our community - a place where readers can debate and engage with the most important local issues. The ability to comment on our stories is a privilege, not a right, however, and that privilege may be withdrawn if it is abused or misused.
Please report any comments that break our rules.
Read the rules here